free soul

واخدني ليه بعيد يا حلم يا عنيد

Thursday, December 21, 2006

كلام مع نفسي

كلام مع نفسي

بتكلم و مين يسمع
بكتب و مين يقرا
بحكي و مين يصدق
بحب و مش قادرة اقول
حاسة بملل و مش قادرة اكسره
مخنوقة من سكوتي و لامتي هيطول
رتبت كلام له كتير و مش قادرة أواجهه
كلام عيوني أكتر و هو مش بيحس
في ناس عيونها حلوة قوي و لكن مش بتشوف
وناس احساسها حلو قوي و لكن مش بتحس
لا بتشوف احبابهاولا بتحس بحبهم
و يمكن الاحباب تموت و لا عمره هيخلص حبهم
واللي حبوهم محسوش بيهم
و لا شافوهم
وعادي بقي
والدنيا ماشية
و الناس بتروح شغلها
و بترجع تتغدي و تنام
وتخرج يوم الخميس
اللي لسه ضايعة ملامحه
واهي ماشية
والاهلي بيكسب
و رجع م اليابان
وكله عادي
و مش فارقة

SAHSOHA

Labels:

Saturday, December 09, 2006

تساؤلات

دي شوية تساؤلات.
خاطرة كتبتها صاحبتي الانتيم ال د/ :"خلود" هانم
و رغم أنها تساؤلات قاسية الا انني ساطرحها هنا من غير اي
cut
tعلشان اثرت فيا قوي جدا خالص
وهسيب كمان التوقيع بتاعك يا خلود ........حسيته مرتبط بالموضوع!!!كده و لا

ايه؟<:(

تساؤلات



ألم تدرك؟
ألم تعلم؟
ألم تشعر بها يوما؟
ألم ترى عيناها ترنو اليك؟
ألم تشعر بقلبها يخفق من أجلك؟
ألم تراها تبحث بينهم عنك؟
أبمشاعرها نحوك يوما شعرت؟
ألم تفهم أم ترى فهمت؟
هل أدركت وجود من تحبك؟
هل علمت ان اول حب فى عمرها حبك؟
وان قلبها لم يرتجف سوى لأجلك
وان ضحكاتها لم تعلو لغير ضحكاتك
ودموعها لم تنهمر الا لضعفها فى حبك
أشعرت وخشيت ان يجرحها رفضك,فصمت؟
ام كان ما بداخلك مجرد شك,فترددت؟
أأقدمت يوما على مصارحتها,ثم عدلت؟
أأحسست وجودها أم كانت كغيرها؟
آه لو تعلم كم أحبتك
آه لو تعلم كم تعذبت فى حبك
كم تمنت نظرة من عينيك
كلمة تنطق بها شفتاك
احساس ينطلق الى قلبها من قلبك
آه لو تعلم ان فى الدنيا من تذوب لأجلك
آه لو تعلم كم تعبت من تلك التساؤلات والآهات
ربما كان ذلك أكبر أخطاؤها
ولكن ماذا كان بيدها؟
فهى لم تدرك كيف تتصرف وماذا تقول
كيف تعبر عما بداخلها يصول ويجول
وربما كبرياؤها ما كان دون ذلك يحول
وعندما يلومها قلبها تجيب
كفانى ان أحببته يوما
كفانى ان علمت كيف الحب يكون
يكفينى ان كان حبى الأول
وان لم يعلم
يكفينى!!!!



KHOKHA
heart and soul
maybe i don`t know how to show it
maybe i don`t know what to say

Sunday, December 03, 2006

فاروق جويدة


إذا دارت بنا الدنيا وخانتنا أمانينا
وأحرقنا قصائدَنا وأسكتنا أغانينا...
ولم نعرف لنا بيتا من الأحزان يؤوينا
وصار العمر أشلاء ودمّر كلّ مافينا ...
وصار عبيرنا كأسا محطّمةً بأيدينا
سيبقى الحب واحَتنا إذا ضاقت ليالينا
إذا دارت بنا الدنيا ولاحَ الصيف خفّاقا
وعادَ الشعرُ عصفورا إلى دنيايَ مشتاقا...
وقالَ بأننا ذبنا ..مع الأيام أشواقا
وأن هواكِ في قلبي يُضئ العمرَ إشراقا ...
سيبقى حُبُنا أبدا برغم البعدِ عملاقا
وإن دارت بنا الدنيا وأعيتنا مآسيها...
وصرنا كالمنى قَصصا مَعَ العُشّاقِ ترويها
وعشنا نشتهي أملا فنُسمِعُها ..ونُرضيها...
فلم تسمع ..ولم ترحم ..وزادت في تجافيها
ولم نعرف لنا وطنا وضاع زمانُنا فيها...
وأجدَب غصنُ أيكتِنا وعاد اليأسُ يسقيها
عشقنا عطرها نغما فكيف يموت شاديها ؟
وإن دارت بنا الدنيا وخانتنا أمانينا ..
وجاء الموت في صمتٍ وكالأنقاض يُلقينا ...
وفي غضبٍ سيسألنا على أخطاء ماضينا
فقولي : ذنبنا أنا جعلنا حُبنا دينا
سأبحث عنك في زهرٍ ترعرع في مآقينا
وأسأل عنك في غصن سيكبر بين أيدينا
وثغرك سوف يذكُرني ..إذا تاهت أغانينا
وعطرُك سوف يبعثنا ويُحيي عمرنا فينا

Saturday, December 02, 2006

محلاها يا وعدي


"محلاها يا وعدي" .
لقيتني بغنيها كده لوحدي بدون سابق انذار ! الأغنية العتيقة دي :)
مش عارفة اللي كان بيغنيها كان مبسوط بحلاوة ايه؟! بس أنا و انا ماشية في الشارع شايفة الولاد و البنات رايحيين الكلية الصبح لقيتني بقولها :" محلاها يا وعدي "!
و افتكرت أيام الكلية , هي مش بعيدة -أنا لسة متخرجة السنة دي- بس حاسة انها دهر..... ييييياااااااااااه كانت أحلي أيام .. صحيح " محلاها يا وعدي"
اكتشفت اني مفتقداها لأني مفتقدة الكلام و الناس الكتير اللي بتتكلم في وقت واحد و بتسمع في وقت واحد , أو مبتسمعش بس كنا سوا كل يوم .طول اليوم .
"محلاها يا وعدي " كان مالها حياة الكلية؟!!!
لا وحدة
ولا صمت
ولا مسئولية...
و لا يوم خميس ضايعة ملامحه...


SAHSOHA