محلاها يا وعدي
"محلاها يا وعدي" .
لقيتني بغنيها كده لوحدي بدون سابق انذار ! الأغنية العتيقة دي :)
مش عارفة اللي كان بيغنيها كان مبسوط بحلاوة ايه؟! بس أنا و انا ماشية في الشارع شايفة الولاد و البنات رايحيين الكلية الصبح لقيتني بقولها :" محلاها يا وعدي "!
و افتكرت أيام الكلية , هي مش بعيدة -أنا لسة متخرجة السنة دي- بس حاسة انها دهر..... ييييياااااااااااه كانت أحلي أيام .. صحيح " محلاها يا وعدي"
اكتشفت اني مفتقداها لأني مفتقدة الكلام و الناس الكتير اللي بتتكلم في وقت واحد و بتسمع في وقت واحد , أو مبتسمعش بس كنا سوا كل يوم .طول اليوم .
"محلاها يا وعدي " كان مالها حياة الكلية؟!!!
لا وحدة
ولا صمت
ولا مسئولية...
و لا يوم خميس ضايعة ملامحه...
SAHSOHA
posted by soha @ 2:23 AM
4 Comments:
سها انتى لسه متخرجة من صيدلة القاهرة ؟
لو اه يبقى دفعتشى
بصى انا مفتقدة الكلية كروح و كافيتريا و ضحك و سكاشن علشان انا كنت بحب العملى جدا
الحاجة الوحيدة اللى حبيتها
لكن دراسة و امتحانات متنكريش ان احساسك و الكل مزنوق فى المذاكرة و انتى مسترخية نفسيا ده احساس يستاهل
و بينى وبينك الكليه دى لو الواحد كان قعد فيها اكتر من كده كان انفجر
عارفة
فى واحد اتوفى السنة اللى قبل اللى فاتت لما كنا احنا فى سنة تالتة
و كتبوا عنه فى الكلية
عارفة لما عرفت انا او غيرى كان الرد اللى عندنا ايه
ياااااااااااااه بعد ما وصل لرابعة يموت تخيلى
ربنا يرحمه و يرحمنا جميعا
و ماتقلقيش فى كتير زيك
انتى مش لوحدك
للاسف يا ياسمين انا صيدلة الزقازيق
اكتر حاجة مفتقداها هي الاصحااااااااااااااب و حياة الجامعة نفسها
ا
الامتحانات دي ابشع حاجة في الحياة
احنا كمان ماتت بنت في دفعتنا في سنة تالتة برضه كانت صدمة للكل اصحابها و اللي مش اصحابها
حاجة واحدة كانت في ماغ الكل يخرب بيتها كلية بجد !!!
الجامعة تعتبر احلى ايام فى العمر وبعديها بيغموا عين الواحد ويربطوه فى الساقيه ويقولوله لــف
yes ya soha"ma7laha ya wa3dy"begad bas te3refy ana adrakt en elkoleia law kanet sahla 3ala tool makonash han7es begamalha wala 2emet elnas elly ma3ana.sa7?ma7la agmal 5 seneen fi 3omrena be 7elwaha we moraha.
Post a Comment
<< Home