كلام مع نفسي
كلام مع نفسي
بتكلم و مين يسمع
بكتب و مين يقرا
بحكي و مين يصدق
بحب و مش قادرة اقول
حاسة بملل و مش قادرة اكسره
مخنوقة من سكوتي و لامتي هيطول
رتبت كلام له كتير و مش قادرة أواجهه
كلام عيوني أكتر و هو مش بيحس
في ناس عيونها حلوة قوي و لكن مش بتشوف
وناس احساسها حلو قوي و لكن مش بتحس
لا بتشوف احبابهاولا بتحس بحبهم
و يمكن الاحباب تموت و لا عمره هيخلص حبهم
واللي حبوهم محسوش بيهم
و لا شافوهم
وعادي بقي
والدنيا ماشية
و الناس بتروح شغلها
و بترجع تتغدي و تنام
وتخرج يوم الخميس
اللي لسه ضايعة ملامحه
واهي ماشية
والاهلي بيكسب
و رجع م اليابان
وكله عادي
و مش فارقة
SAHSOHA
Labels: مع نفسي
posted by soha @ 5:46 AM
7 Comments:
:)
كلماتك حلوة اوي لكن الي يفهمها توجعه
في ناس عيونها حلوة قوي و لكن مش بتشوف
وناس احساسها حلو قوي و لكن مش بتحس
لا بتشوف احبابهاولا بتحس بحبهم
و يمكن الاحباب تموت و لا عمره هيخلص حبهم
واللي حبوهم محسوش بيهم
و لا شافوهم
يارب نحس بكل الي بيحبونا ونشوف كل الي بيحبونا
كل سنه وانت طيبه
وانت طيب
انا قاصده انها توجع:)
يعني لازم نوجع.. ايه الرخامه دي.. و بعدين ماظنش ان فيه حب بيعيش وو الطرف التاني مش حاسس او مش واخد ياله حتي لو عرف من البنوته او من غيرها .. مافتكرشي هيحس بحاجه.. ساعتها البنت هي اللي صورتها هتكون بقت مش ولا بد ..
كلامك جميل جدا وحساس اوي
بس خدي بالك من الفونت علشان يطلع مظبوط
mofid>
thnx 3l mal7oza el 7elwa
كلام صح ..ومعبر قوى وصادق ..
لكن ده مش ذنب الناس دول لأنهم بشر ..مش كاملين
منير
Post a Comment
<< Home