free soul

واخدني ليه بعيد يا حلم يا عنيد

Sunday, June 04, 2006

الزلط


نزلت بايدي ع الأرض و كبشت شوية زلط
وقعدت ع الكورنيش بالعرض و رميت ف البحر الزلط
لا مية البحر اشتكت و لا حد قاللي دا غلط
بطوح الزلط بايدي لفوق
بالجامد قوي
يمكن من قوتها أصحي يمكن افوق
لكن لا الدنيا اتعدلت معايا
و لا حظي في يوم اتظبت
و فضلت قاعدة اطوح ف الزلط
بأحاول أصبر نفسي يمكن تتظبت أموري
كل الناس حبوا
و بقول بكرة ييجي دوري
الدور باينه نسي
سابني و مشي
و فضلت قاعدة اطوح في الزلط