free soul

واخدني ليه بعيد يا حلم يا عنيد

Tuesday, February 24, 2009

عياط

مش عارفة ليه طالبة معايا عياط
يمكن تكون هرمونات
عبط في الاحساسات
خنقة
ضيق
من اي شيء
ومن كل الحاجات
بس مش عارفة ليه طالبة معايا عياط
مش عارفة
بس عايزة اعيط
اصرخ
املي الكون زياط
مش عارفة ليه طالبة معايا عياط
بتضرب معايا قوي لما اقوم انام
يطير النوم ويجيلي بداله اوهام
احزان
مأساويات
احباط
مش عارفة ليه طالبة معايا عياط

Thursday, October 04, 2007

تهت



وسط جنون الكون

تهت في لحظة

لحظة حلمت فيها

شفت خيال

شميت ريحة البحر

مسكت ورد أحمر

علي ورد أبيض

شفت اسكندرية علي كورنيش المنتزة

شفت الشمس البرتقاني

شفتها مقسومة نصين

واحد في السما

والتاني غطسان في مية البحر

Labels:

Wednesday, August 29, 2007

ايه؟

الواحد ممكن يعمل ايه لما يحس ان اللي عايشه مش هو اللي عايزه؟؟
ومش قادر يغيره
مع ان ده أحسن المتاح
وف حدود المسموح
يمشي مع دنياه زي ماهي ماشية؟
ولما اي حاجة تغير في حياه يتغير ومعاها يغير حياته كلها؟؟؟؟

Wednesday, August 15, 2007

شكلي هارجع في كلامي
وارجع اكتب من تاني
بصراحة خايفة علي لساني م الكتمة
وخايفة علي دماغي م الكمكمة

Saturday, June 30, 2007

خلص الكلام

خلص الكلام

خلصته
و لا عادش له بقيه

Friday, March 02, 2007

كلام


كلام مع نفسي

و مين يقرا
و مين يفهم
و مين يسمع

لآه جوايا ساكتة
مكبوتة
نفسها تطلع

وبوطي في صوت دموعي ليه؟!
ومين جنبي هيسمع؟

فاضية الدنيا قوي
و الملل بقي بيوجع

والحلم اللي كان بياخدني بعيد
دلوقتي خلاص مابقاش ينفع

SAHSOHA

Labels:

Thursday, December 21, 2006

كلام مع نفسي

كلام مع نفسي

بتكلم و مين يسمع
بكتب و مين يقرا
بحكي و مين يصدق
بحب و مش قادرة اقول
حاسة بملل و مش قادرة اكسره
مخنوقة من سكوتي و لامتي هيطول
رتبت كلام له كتير و مش قادرة أواجهه
كلام عيوني أكتر و هو مش بيحس
في ناس عيونها حلوة قوي و لكن مش بتشوف
وناس احساسها حلو قوي و لكن مش بتحس
لا بتشوف احبابهاولا بتحس بحبهم
و يمكن الاحباب تموت و لا عمره هيخلص حبهم
واللي حبوهم محسوش بيهم
و لا شافوهم
وعادي بقي
والدنيا ماشية
و الناس بتروح شغلها
و بترجع تتغدي و تنام
وتخرج يوم الخميس
اللي لسه ضايعة ملامحه
واهي ماشية
والاهلي بيكسب
و رجع م اليابان
وكله عادي
و مش فارقة

SAHSOHA

Labels: